अष्टमी येथील कब्रस्थान परीसरात आढळले एक दिवसाचे बेवारस अर्भक

अर्भकाला कावळे चोच मारत असल्याचे गुरख्यासने पाहीले : अनर्थ टळला, बाळाला मिळाले जीवदान

https://youtu.be/CyNy3kSzqZQ

सिटी बेल | रोहा | अमूलकुमार जैन |

रायगड जिल्ह्यातील रोहा तालुक्यातील रोहा शहरात अष्टमी येथील कब्रस्थान परीसरात एक दिवसाचे बेवारस बाळ मिळाले आहे. नवजात अर्भक बेवारस स्थितीत मिळाल्याने खळबळ उडाली आहे.

निर्दयी मातेने आपल्या बाळाला झाडीझुडपात फेकून दिल्याची दुर्दैवी घटना रोहा अष्टमी येथे घडली आहे.

कब्रस्थानजवळ झाडाझुडपात एक दिवसाचे हे नवजात अर्भक कोणी टाकले याचा शोध पोलिस निरीक्षक संजय पाटील यांच्या मार्गदर्शनाखाली रोहा पोलिस घेत आहेत.

आज दिनांक ७ सप्टेंबर रोजी सायंकाळी ५ वाजण्याच्या सुमारास अष्टमी खालचा मोहल्ला येथील तरुण ताबीश इस्माईल लद्दू हे कब्रस्थांन परिसरात आपले गायबैल चरून झाल्यावर त्यांना आणण्यासाठी गेला असता एका अर्भकाला कावळे चोच मारत असल्याचे निर्दशनास आले.

ताबीश इस्माईल लद्दू याने त्या अर्भकाला झाडीझुडपातून काढण्याचा प्रयत्न केला. त्यावेळी या बाळाच्या अंगाला काही मुंग्या लागल्याचे ताबीश इस्माईल लद्दू यास आढळले.

झाडांच्या पानांच्या वेली त्या लहानग्याच्या गळ्याला गुरफटल्या होत्या, ताबीशने त्या बाळाला त्या वेलींच्या बाहेर काढले. मित्र व नातेवाईकांच्या सहकार्याने अष्टमी येथील पोलिसंच्या मदतीने सरकारी ग्रामीण रुग्णालयात उपचारासाठी दाखल केले.

अष्टमी येथे अर्भकाला फेकण्यात आले ते कब्रस्तान परीसर सूनसान आहे. त्या ठिकाणी झाडे झुडपे असून या ठिकाणी अनेक उनाड कुत्रे, पशुपक्षी आहेत यांचा वावर असतो. ताबीश हा तरुण जर वेळेत तिथे गेला नसता तर मोठा अनर्थ घडला असता.

अष्टमी परीसरात पुरुष जातीचा एक दिवसाचा नवजात अर्भक मिळाल्याची चर्चा या परीसरात वाऱ्यसारखी पसरली त्या अर्भकाला पाहण्यासाठी नागरिकांनी मोठी गर्दी केली. एक दिवसाचे हे अर्भक असल्याची माहिती ग्रामीण रुग्णालयातून देण्यात आली आहे.

“‘ निर्दयी माता पित्याने नवजात बालकाला मरण्यासाठी असे का फेकून दिले “‘ , “‘ माता तू कशी झालीस वैरीण “‘ अशी प्रतिक्रिया यावेळी काही नागरिकांनी व्यक्त केल्या. पोलिस निरीक्षक संजय पाटील याचा सखोल तपास करत आहेत.

बालकाला पुढील चांगल्या उपचारासाठी अलिबाग येथील जिल्हा रुग्णालयात हलविण्यात आले आहे. या बाळाची प्रकृती सुधारत आहे. यावेळी महिला पोलिसांनी मोलाची मदत केली आहे.