पोलिस यंत्रणा खडबडून जागी

पेण येथील भोगावती नदी पात्रात बॉम्ब सदृश्य वस्तु आढळल्याने एकच खळबळ

सिटी बेल ∆ पेण ∆ वार्ताहर ∆

पेण तालुक्यातील भोगावती नदी पात्रात संध्याकाळी बॉम्ब सदृश्य वस्तू आढळल्याने त्यांनी तात्काळ पेण पोलिस ठाण्याशी संपर्क साधून याची माहिती दिली असता रायगड जिल्ह्यातील सर्व पोलिस यंत्रणा खडबडून जागी झाली आहे.

मुबंई गोवा महामार्गालगत पेण हद्दीत असणा-या गिरोबा हाॅटेल जवळ भोगावती नदी पात्र असून तीथे असणा-या पुलाखालील पाण्यामध्ये बाॅम्ब सदृश्य वस्तू काही एक दोन व्यक्तींना सायंकाळच्या सुमारास दिसून आली असता त्यांनी तातडीने पेण पोलिस ठाण्याचे पोलिस निरीक्षक देवेंद्र पोळ यांच्याशी संपर्क साधून सदरची माहिती दिली त्यानुसार बाँम्ब शोधक पथक घटना स्थळी दाखल झाले असून अधिक तपास करीत आहेत.या घटनेची गंभीर दखल घेऊन लागलीच रायगड जिल्ह्याचे पोलिस अधिक्षक सोमनाथ घार्गे यांच्यासह अप्पर पोलिस अधिक्षक अतुल झेंडे, प्रांताधिकारी विठ्ठल इनामदार, नायब तहसिलदार प्रसाद कालेकर यासह पेण तालुक्यातील तिन्ही पोलीस ठाण्याचे अधिकारी, कर्मचारी यांनाही तातडीने घटनास्थळी धाव घेतली.

काल रात्री उशीरा पर्यंत अधिक तपास घेत होते मात्र सदर बाॅम्ब सदृश्य वस्तू कोणी टाकली अथवा कुठून आली याची अधिकृत माहिती उपलब्ध होऊ शकली नाही.