श्वास हा तुझाच सैनिका
भारत हेच घर मानलेस रे --
सलाम वीरा तुला नमन हे !
जशी चिंता स्व-कुटुंबाची --
तशीच चिंता तुला देशाची !
सणवार-उत्सवांचा नसे मोह --
देशाप्रती कर्तव्य हेच ठावं !
ऊन-वारा-पाऊस-पाण्याची --
नसे भीती डोंगर - दऱ्यांची !
वसा घेतलास रे देशसेवेचा --
उद्देश जपतोस ध्येयपूर्ती चा !
तुझ्यामुळेच रे आम्ही स्वतंत्र --
हिंडतो-फिरतो मोकळे सर्वत्र !
ईश्वराची निभावशी तू भूमिका --
हे हृदय-स्पंदन तुझेच सैनिका !
वाढो तुझे बळ अनं यशोकीर्ती --
तू अभिमान तूच आमची स्फूर्ती !!
©® कविश्री- अरुण दत्ताराम म्हात्रे. नवी मुंबई, मो. 9987992519.
Be First to Comment