सिटी बेल काव्य कट्टा

कविश्री- अरुण द. म्हात्रे. (जासई- रायगड.)यांची चांद्रयान- ३. च्या यशस्वी मोहिमेबाबत स्वरचित कविता- “चांद्रयान- ३. चंद्रावर !!”

= चांद्रयान-३. चंद्रावर =

भारतीय वैज्ञानिकांचे महान पथक
सर्वांचेच प्रयत्न अतुलनीय अथक
दुनियेची नजर लागलेली एकटक
मोहीम यशस्वी झाली भारी कडक !!

बुधवार, तारीख २३ ऑगस्ट २०२३
या मंगलदिनी सुवर्ण इतिहास रचला
अखंड भारताचे स्वप्न साकारण्यास
चांद्रयान-३ दक्षिण ध्रुवावर उतरला !!

भारतीय असल्याचा अभिमान आम्हास
पृथ्वीवरून चांदोबाला जातो भेटण्यास
ही बाब नाही साधी, आहे ऐतिहासिक
जगातून भारताचे कोड-कौतुक खास !!

ही भूमी संत-महंत विद्वान-गुणवंतांची
जवान-किसान विचारवंत युगपुरुषांची
जपणूक करूया एकता – एकात्मतेची
एक-नेक दिलाने शान वाढवू भारताची…
एक-नेक दिलाने शान वाढवू भारताची !!!

©®कविश्री- अरुण दत्ताराम म्हात्रे. जासई- रायगड. मो. 9987992519.