दिवाळीच्या पारंपरिक संस्कृतीला उजाळा; शिवसेना उपनेते बबनदादा पाटील यांच्यासह पदाधिकारी, महिला आघाडी आणि शिवसैनिकांची मोठ्या संख्येने उपस्थिती

पनवेल, दि.२ (वार्ताहर) : दिवाळी सणाचे औचित्य साधून शिवसेना (उद्धव बाळासाहेब ठाकरे) पक्षाच्या वतीने पनवेल शहरात दिवाळी सुगंधी उटण्याच्या उपक्रमाचा शुभारंभ माजी केंद्रीय मंत्री अनंत गीते यांच्या हस्ते उत्साहपूर्ण वातावरणात करण्यात आला. भारतीय संस्कृतीत दिवाळीच्या अभ्यंगस्नानाला विशेष महत्त्व असून, सुगंधी उटणे हा या पारंपरिक सणाचा अविभाज्य भाग आहे. ही परंपरा जपण्याच्या उद्देशाने पक्षाच्या वतीने हा उपक्रम राबविण्यात येत आहे.
दिवाळीच्या पार्श्वभूमीवर नागरिकांमध्ये सणाचा आनंद, उत्साह आणि पारंपरिक संस्कृतीची जाणीव निर्माण करण्यासाठी या उपक्रमाचे आयोजन करण्यात आले आहे. शुभारंभप्रसंगी उपस्थित पदाधिकारी व शिवसैनिकांनी या उपक्रमात सहभाग नोंदवला. यावेळी परिसरात उत्साहाचे वातावरण पाहायला मिळाले.

या कार्यक्रमाला शिवसेना उपनेते बबनदादा पाटील, संपर्कप्रमुख प्रसाद भोईर, जिल्हाप्रमुख दीपक निकम, उपजिल्हाप्रमुख रामदासदादा पाटील, भरत पाटील, महानगरप्रमुख समाधान काशीद, विभागप्रमुख प्रवीण जाधव, प्रभागप्रमुख अमोल गोवारी आणि शाखाप्रमुख प्रवीण डावलेकर यांच्यासह पक्षाचे विविध पदाधिकारी उपस्थित होते.
यावेळी महिला आघाडीच्या पदाधिकारी व कार्यकर्त्यांनीही मोठ्या संख्येने उपस्थिती दर्शवली. शिवसैनिकांच्या उत्स्फूर्त सहभागामुळे कार्यक्रमाला विशेष रंगत आली. सण-उत्सवांच्या माध्यमातून नागरिकांशी संवाद साधण्याबरोबरच सामाजिक आणि सांस्कृतिक परंपरांचे जतन करण्याचा प्रयत्न अशा उपक्रमांतून केला जात असल्याची भावना यावेळी व्यक्त करण्यात आली.

दिवाळीच्या मंगलमय पर्वात सुगंधी उटण्याच्या या उपक्रमाच्या माध्यमातून पनवेल शहरात सणाचा आनंद द्विगुणित करण्याचा प्रयत्न शिवसेना (उद्धव बाळासाहेब ठाकरे) पक्षाच्या वतीने करण्यात आला.