धो धो पाऊस आला…..

धो धो पाऊस आला…..

आला आला धो धौ पाऊस आला
लखलखती वीजा चमकती
गडगडती घनमाला
सप्तरंगी इंद्रधनुष्याचे तोरण नभाला
आला आला धो धो पाऊस आला

काळ्याकभिन्न ढगाला
वरुणाचा संदेश मिळाला
झाडे वेली डोलती
धुंद वारा सुटला
आता आला धो धो पाऊस आला
न्हाले डोंगर तरुवर न्हाले
दिशादिशाही आल्या रसभरणाला
आला आला पाउस आला

ग्रिष्माचे अवसान गळाले
कडकडीत ऊन्ह पार पळाले
सुगंधी वारे गात निघाले
दऱ्याखोऱ्यातुन शीळ घालतै
वनराणी गगनाला
आला आला धो धो पाऊस आला

मालती तळणीकर, नागपूर