ढालगज करोना

ढालगज करोना

चंबू गबाळ घेऊन तुम्ही
इकडून तिकडे फिरलात
मागच्या सीटवर बसऊन चक्क
करोना घेऊन आलात

धुवा पुसा फवारा वाफारा
जपा सारखा जपला
चोर पावलाने करोना कसा
तुमच्याच घरात शिरला

सतरा वेळा साबणाने
हात धो धो धुतलात
करोना पेशंट पासून राव
दहा कोस राहिलात

तरीबी प्रेमाने तो तुमच्याच
गळ्यात पडला
तुमच्यासह कुटुंबात तो
सलगी करून राहिला

चौदा दिवस पाहूनचार
पूरेपूर भोगला
वास्तल्याच्या धाग्याने
नाती गुंफुन गेला

पोलिसांच्या दंडुक्याने तर
लईच भाव खाल्ला
हेकट चिकट ह्या ढालगजा
पुढे दडी मारुन बसला

बेफिकीरीपायी जगाच्या
करोना फुलला
भारत या चिन्याला
पुरून उरला

सौ.नम्रता धनावडे, नवीन पनवेल