कवी अरुण दत्ताराम म्हात्रे यांची कविता “हे विश्वची माझे घर”
हे विश्वची माझे घर !
आपल्या मनात डोकावून पाहावे आपणच करावा मनाशी विचार जमेल तसे कुणाच्या कामी यावे मगच म्हणावे- हे विश्वचि माझे घर...१.
मदतीचा हात द्यावा गोरगरिबांना बुडत्याला असे काठीचा आधार न पाहत बसावे नुसते टुकूर-टुकूर मगच म्हणावे- हे विश्वचि माझे घर...२.
कुणी गरीब कुणी श्रीमंत दुनियेत सदा ठेवावे मन कृती पूर्वक उदार जपावा खरा 'माणूस धर्म' वेळोवेळी मगच म्हणावे- हे विश्वची माझे घर...३.
नाही पाळत भेदभाव सूर्य-चंद्र-तारे सर्वत्र बरसती मेघ, वाहती छान वारे कुणासाठी कधी बनुनी पहावे ईश्वर मगच म्हणावे- हे विश्वचि माझे घर...४.
©® कविश्री- अरूण दत्ताराम म्हात्रे. नवी मुंबई. मो. 9987992519.
Be First to Comment