सिटी बेल लाइव्ह काव्य कट्टा

बाप्पाला निरोप

निरोपाची घटिका जवळी आली |
बाप्पा हुरहुर मनातली या वाढली ||

यावर्षीचा सण तुझा |
फारसा नाही करता आला साजरा ||

गौरी ही अगदी शांततेत आल्या |
मुरड घातली सर्वांनीच हौसे मौजेला ||

बाप्पा चुटपुट ही लागून राहिली |
निघायची वेळ तुझी होत आली ||

काय सांगू अन् काय नको |
बाप्पा यावेळेला तू जाऊच नको ||

आधार तुझाच फक्त या परिस्थितीला |
तुझ्या ऐवजी विसर्जन करूया कायमचंच त्या करोनाला ||

तो किंचित हसला आणि म्हणाला….

इच्छा असली तरी असं करता येणार नाही |
काळ बदलला तरी शास्त्र बदलणार नाही ||

हो रे बाप्पा…. कळतंय सगळं |
पण काय करावं समजत नाही ||

निरोप तुला देताना कंठ आला दाटून |
पण मन काही मानत नाही ||

आता तूच काय ते बघ |
आणि सोडव या प्रश्नाला ||

वेळ आहे थोडा |
पण घेऊन जा या महामारिला ||

नृपाली जोशी
नवीन पनवेल
९८२२३३०४४८

---