सिटी बेल काव्य कट्टा

रक्षाबंधन

बहिणीसाठी नसतो फक्त हा सण
भावाची माया अन सुरक्षेचे धन
आला भावा बहिणीच्या प्रेमाचा सण
रक्षाबंधन रक्षाबंधन


साडी नको पैसा नको ओवाळणी मला नको
तुझ्यासाठी दादा माझा जीव तिळ-तिळ तुटतो
तू फक्त सुखी रहा -सांगते
अंतःकरण
आला भावा बहिणीच्या प्रेमाचा सण
रक्षाबंधन रक्षाबंधन


बाप अन् आई तूच सर्व काही- तुझ्याविना माझा कुणीच नाही
पवित्र हे नातं पाण्यासारखं मन
स्वार्थासाठी तर असतो प्रत्येक जण
आला भावा बहिणीच्या प्रेमाचा सण
रक्षाबंधन रक्षाबंधन


माहेर सुटलं सासर धरलं-गेली नाही आठवण
एका उदरात जन्मलो- एका घरात वाढलो आपण
तुझ्यासाठी झुरते नित्य माझे मन
आला भावा बहिणीच्या प्रेमाचा सण
रक्षाबंधन रक्षाबंधन

नसेल आपल्या नात्यात स्वार्थाचा गंध
तरच आपले टिकतील जन्मोजन्मीचे बंध
एकाच कालजाचे दोन तुकडे आपण
आला भावा बहिणीचा प्रेमाचा सण
रक्षाबंधन रक्षाबंधन

राखीच्या या सणाला दादा तू जागशील का ?
मनापासून मागते ओवाळणी देशील का?
दिसेल कुणी अबला तर तिचे रक्षण करशील का?
खूप आहेत बहीणी इथे,त्यांच्यात मला पाहशील का?
विश्वात पवित्र नात्याचा हा सण
आला भावा बहिणीच्या प्रेमाचा सण
रक्षाबंधन रक्षाबंधन

अजय शिवकर
केळवणे पनवेल
७९७७९५०४६४