लोकमान्य टिळक पुण्यतिथी दिनानिमित्त विशेष कविता

सिटी बेल लाइव्ह काव्य कट्टा

टिळक होते ठळक

आगळी - वेगळी त्यांची ओळख

डोक्यावर पगडी नजरेत झलक

'स्पष्टोक्तेपणा' चे बोलण ठळक

नाव त्यांचे बाळ गंगाधर टिळक...१.

समाजोन्नतीचे धोरण धमन्यांत

जनजागृतीचे तोरण घराघरात

सुविचारांचे भाषण जनमनात

प्रतिज्ञांचे स्मरण मन-मंदिरात...२.

स्वराज्यासाठी प्रतिज्ञा केली

वृत्तपत्रांतून विचार पोहोचविले

एकोप्यासाठी कल्पना सुचली

जयंत्या-गणेशोत्सव सुरू केले...३.

युगपुरुष थोर समाजसुधारक गुण

तयांचे स्मरावे - आचरावे

शिकवणुकीचे धडे गिरवावे

करता येईल ते चांगले करावे...४.

©® कविश्री- अरूण दत्ताराम म्हात्रे. नवी मुंबई, मो.-9987992519.