बाबा
आज अचानक याद आली
बाबा तुमच्या शब्दांची
कसे असेल लेकरू माझे
विचारणार्या भावनेची
मनामधली घालमेल ती
भुलवणार्या हाकेमधली
आहे सोबत तुझ्या सांगे
थाप माझ्या पाठीवरची
आज अशी आठव आली
बाबा तुमच्या स्पर्शाची
कुठे आहेस कसा आहेस
प्रश्नार्थक त्या नजरेची
विश्वासाने पाहणार्या
खर्याखुर्या आधाराची
पुढे जा बाळा माझ्या
सांगणार्या हृदयाची
रोज आठवतो बाबा तुम्हा
इच्छा केवळ आशिषाची
नमन करतो माझ्या देवा
साथ तुमच्या अस्तित्वाची
- श्री. स्वानंद नंदकुमार मराठे.
पुणे
Be First to Comment