तडजोड

तडजोड

काय चुकले अचानक आठवताना सारे काही
विसरून गेलो आहे का विचारले प्रश्न काही

आवडनिवड जपताना होते तुझ्या आधीन सर्वकाही
कुठे दडले कसे रुसले आपल्यातले ते प्रेम काही

मी आयुष्याच्या वळणावर गवसलेले ते सर्वस्व पाही
कुठे अचानक विरून गेली आपल्यातली तडजोड काही

हासताना रुसणारेही मी वदनावरचे भाव पाही
रडतानाही अश्रुंमधले ते पाणी आता दिसत नाही

कसे बदलले असे अचानक आयुष्याच्या वाटेत काही
दुरावले हे श्वास माझे माझ्याकडेही हासून पाही

बोलावताना तुला जवळ शब्दही आता फुटत नाही
कसे व्हायचे भविष्य अपुले उत्तर मला मिळत नाही

• स्वानंद नंदकुमार मराठे, पुणे