माजी सरपंच कॉ. घन:श्याम पाटील यांचे निधन

सिटी बेल । उरण । घनःश्याम कडू ।

बोकडविरा गावचे माजी सरपंच व जेष्ठ कम्युनिस्ट नेते घन:श्याम पाटील यांचे अल्पशा आजाराने शनिवार 17 एप्रिल रोजी निधन झाले.

बोकडविरा गावचे 25 वर्षे सरपंच पद घन:श्याम पाटील यांनी भूषविले होते. निस्वार्थी, निष्ठावंत, मितभाषी बरोबर प्रकल्पग्रस्तांच्या प्रत्येक आंदोलनात हिरिरीने सहभागी असत. 1984 च्या शेतकरी आंदोलनात ही सहभागी होते. आयुष्यात अनेक चढउतार पाहिलेले मार्क्सवादी विचारसरणीवर अढळ श्रद्धा असलेले कामगार नेते, ग्रॅण्डवेल नॉर्टन वर्कर्स युनियनचे नेते अशा अनेक संस्थाचे पदाधिकारी होते. त्यांचे उर्वरित कार्य पूर्ण करणे हीच त्यांच्यासाठी आदरांजली ठरेल.