माय मराठी

माय मराठी

तूच निर्मिशी नव साहित्यिक
तुझी स्पंदने रोजच ओठी ।
नसे दिवस आजचा फक्त ही
तूच आमुची माय मराठी ॥

कितीक येवुन गेल्या तरिही
तुलाच धरती येथे पोटी ।
तुझी लेकरे आम्हीच सारी
तूच आमुची माय मराठी ॥

किती मने ती तुझ्यामुळेही
बंधच येथे किती जोडती ।
मनामनातुन दरवळणारी
तूच आमुची माय मराठी ॥

सात समुद्रा पल्याडही तु
येती बांधव तुझ्याच भेटी ।
तिथेही झेंडा फडकत राही
अशी आमुची माय मराठी

-© केदार जोशी, पनवेल