वाचा कोरोना महामारीवर कवी नंदकुमार मरवडे यांची प्रबोधनात्मक कविता “कोरोना”

सिटीबेल लाइव्ह / काव्यकट्टा

तुझे माझे करता करता
कोणी नसे कोणाचा |
कोरोनाने दाखवून दिले
कोण झुठा कोण सच्चा ||

होमकाँरनटाईन वाल्यांकडे
संशयाने बघतात |
आपलेपणा विसरूनी
परकेपणाने वागतात ||

संशयाचे हे भूत
बसले कसे माथी |
कोरोनाने विसरूनी गेले
खरी नाती गोती ||

मनातील मलभ
दूर सारूनी रहा अँक्टीव्ह |
संशयाने अवती भवती
दिसू लागले सारे पाँझिटिव्ह ||

कोरोना आला तसा
पुढे निघूनही जाईल |
तुटलेली ती मनं
परत कशानं सांधतील ? ||

कवी-श्री.नंदकुमार मरवडे, श्री.क्षेत्र तळवली तर्फे अष्टमी, ता.रोहे,जि.रायगड.