पायवाट

पायवाट

पायवाटेने चालत असता भास तुझाच होत असतो
मेंढराच्या कळपापुढे तुलाच मी पाहत असतो

निळ्याशार आभाळातून सूर्य प्रखर डोकावतो
मार्गाच्या किनार्यासही गर्द तरू उभा असतो

पक्षांच्याही थव्यासवे विचार तुझाच उडत असतो
हातातल्या काठीलाही तुझाच भास होत असतो

क्रमण करतो तसाच तेव्हा तुलाच तिथे शोधत असतो
सांजावताना वाट तुझी चंद्रासवे पाहत असतो

स्वानंद नंदकुमार मराठे, पुणे