बळी

बळी

ओंगळ वाईट विकारांना
कळी माझी दिसली
पाशवी समाज नजरांना
आणखी एक बळी पडली

पंधरा दिवस मृत्यूशी
झुंज अपुरी पडली
काळालाच दया तिची
यमलोकी रवानगी झाली

शेवटचाही संस्कार
घाई घाईत उरकला
अंतिम तिचा चेहरा
कधीच नाही दिसला

दाद कोणा मागू आता
म्हणे पुरावा मिळत नाही
जात आडवी येते आता
माणुसकी दिसत नाही

हाथरसची ही घटना
समाज पेटून उठतो
बधिर राजकारण्यांना
स्वतःचा फायदा दिसतो

सौ.स्वाती लेले,
नवीन पनवेल