एक असा कावळा..

एक असा कावळा..

कावळा असे काळा काळा
दहिभाताचा तो भूकेला
काव काव करुनी सांगतो
पाहुणा येईल दूर गेलेला ||१||

पक्षी तोही इतरांसारखा
मुक्ती साठी तोच एकला
पिंडाला तो स्पर्श करुनी
देतो शांती मृत शरीराला ||२||

पुराणातल्या परंपरेला
कावळा लागे पिंडाला
घरट्यासाठी वणवण भटके
नाही थारा त्याच्या जीवाला ||३||

गोष्टीमधला कावळा भासे
हुशार आणि पुढारलेला
शक्ती पेक्षा युक्ती हवी
संदेश देतो सा-या जनतेला ||४||

अनेक रुपे अशी याची
पण गरजेपुरता स्मरलेला
डोमकावळा म्हणूनी नेहमी
प्रत्येक वेळी हिणावलेला ||५||

सुजाता कुलकर्णी, आदई