🚩🚩छत्रपती🚩🚩सिटी बेल लाइव्ह काव्य कट्टा

🚩🚩छत्रपती🚩🚩

काय वर्णू महाराजांची थोरवी
नावातील जादूच मन मोहवी
महाराजांचा असा थोर पराक्रम
नसे याविषयी कोणताही संभ्रम

रयतेचा तो पालनहारी वाली
त्यांच्या राज्यात सर्वत्र खुशाली
नसे त्यांच्या मनी जातीय तिढा
शाहीर गाती कीर्तीचा पोवाडा

शिवरायांनी बांधले अनेक किल्ले
शत्रूंनाही चातुर्याने नामोहरण केले
मावळ्यांचा केला कायम सन्मान
स्त्रियांना मिळालं मानाचा स्थान

दरबारी महाराजांच्या अष्टप्रधान
सामान्य रयतेला मिळाले समाधान
महाराजांची थोरवी सप्तसमुद्रापार
त्यांनी फडकवला भगवा अटकेपार

अशा थोर वीर शिवरायांना
आमचा मनाचा मुजरा त्रिवार

©️ कवयित्री सोनम जयंत ठाकूर