महाराष्ट्रीयन बिल्डर्स असोसिएशनच्या अध्यक्षपदी आनंद पाटील

सिटी बेल ∆ बेलापूर ∆

महाराष्ट्रीयन बिल्डर्स असोसिएशनची नवीन कार्यकारिणी मंडळाची निवड करण्यात आलेली असून आनंद विलासराव पाटील यांची अध्यक्षपदी अध्यक्षपदाची धुरा या वेळी सुपूर्द करण्यात आली आहे. तसेच हितेश सावंत यांची महासचिव म्हणून तर महेश माटे यांची खजीनदार पदी निवड करण्यात आलेली आहे.

सदरचा कार्यभार हे मावळते अध्यक्ष संतोष आंबवणे आणि महासचिव बाबासाहेब भोसले यांच्या कडून नवीन पदाधिकार्रांना सुपूर्द करण्यात आला. यावेळी नवनिर्वाचित अध्यक्ष आनंद पाटील यांनी असोसिएशनच्या मार्फत पुढील वाटचाल, त्यांची ध्येयधोरणे या संदर्भातील विविध उपक्रमांची माहिती पत्रकार परिषदेत दिली.

या पत्रकार परिषदेला महाराष्ट्रीयन बिल्डर्स असोसिएशन चे माजी अध्यक्ष व सल्लागार संग्राम पाटील, के.के.म्हात्रे, संतोष आंबवणे, बाबासाहेब भोसले, प्रसिध्दी प्रमुख राजेंद्र कोलकर, मधू पाटील, लक्ष्मण साळुंखे, प्रवीण शेट्ये, अजित येलमार, आशिष कवडे, सुनील ठोंबरे, उत्तम येलमार, संजय इंगळे आणि पवन देवलकर उपस्थित होते.