मजनू चे शानदार लाॅंचींग

पहील्याच दिवशी मजनू ने बाॅक्स ऑफिसवर केली भरघोस कमाई : चित्रपटगृह प्रेक्षकांच्या गर्दीने फुलले

सिटी बेल ∆ मनोरंजन प्रतिनिधी ∆

बहूचर्चीत मजनू चित्रपट आज प्रेक्षकांच्या भेटीला आला आणी पहील्याच दिवशी या चित्रपटाने बाॅक्स ऑफिसवर केली भरघोस कमाई केली. चित्रपटगृह प्रेक्षकांच्या गर्दीने अक्षरशः फुलले होते.

आज पनवेलच्या ओरायन माॅल मधील पीव्हीआर आणि सानपाडा येथील फन स्क्वेअर चित्रपट गृहात मजनू चित्रपटाच्या टिमने भेट दिली. यावेळी चित्रपट पहायला आलेल्या प्रेक्षकांच्या आनंदाला पारावार उरला नाही. यावेळी चित्रपटाची नायिका स्वेतलाना अहिरे व सह निर्माते इरफान भोपाली यांनी प्रेक्षकांशी व प्रसीध्दी माध्यमांशी संवाद साधला.

यावेळी त्यांनी प्रेक्षकांनी चित्रपटाला दिलेल्या भरघोस प्रतिसादाबद्दल सर्वांचे आभार मानले. तसेच येत्या काळात हा चित्रपट संपूर्ण महाराष्ट्रात चांगलं यश संपादन करील असा विश्वास व्यक्त केला.