खारघर मध्ये केला जातोय ओमिक्रोन चा उत्सव …

चार रुग्ण ओमिक्रोन पॉझिटीव्ह तरीसुद्धा उत्सव, मेळावा, जत्रेचे भव्यदिव्य आयोजन

सिटी बेल | खारघर |

पर्यटकांचे शहर म्हणून ओळखले जाणारे खारघर शहरात करोना पॉझिटिव्ह सोबत आता ओमिक्रोन रुग्ण ही पॉझिटिव्ह येऊ लागले आहे . नववर्षाच्या स्वागताला खारघर सेक्टर १५ मध्ये मोठ्या महोत्सवाच्या माध्यमातून ओमिक्रोन सणाची जय्यत तयारी सुरू आहे. सिडको प्रशासनाचे सहकार्य आणि पनवेल महानगरपालिकेचे आयुक्त यांचे अभय मिळत यामुळे ओमिक्रोनला आमंत्रण दिले जात आहे.

कोरोना महामारीची झळ पोहचलेल्या नागरिकांना दुसऱ्या जन्माची आठवण येत आहे. या साथीबाबत जागृतता बाळगताना
खारघर येथील स्थानिक लोकांची असा मेळाव्यांना हरकती घेत निवेदनाचे पत्र दिले आहेत. तरी सुद्धा याकडे दुर्लक्ष केले जात आहे.. काही दिवस आधी खारघर मधील सेक्टर ५ अधिराज सोसायटी सेक्टर ८ निल सिद्धी सोसायटी व सेक्टर ३५ केशव रेसिडेन्सी या ठिकाणी ओमिक्रोन चे चार रुग्ण सापडले असताना खारघर सेक्टर १५ येथे सार्वजनिक उत्सव, मेळावा, जत्रा भरविण्यात आले आहेत.

एकीकडे पनवेल महानगरपालिकेत या आजाराचा प्रादुर्भाव वाढू नये म्हणून पनवेल प्रशासन नियमांचे पालन करून तसेच समारंभ व कार्यक्रमा करिता ५०% मर्यादांच्या श्रमते करिता परवानगी देत आहे. दुसरीकडे राज्य सरकारने राज्यात मध्यरात्रीनंतर जमावबंदी लागू केली आहे असे असताना महापालिकेकडून नियमाचे पायमलानी करत खारघर, कळंबोली येथील सार्वजनिक ठिकाणी उत्सव मेळावा जत्रे भरण्यासाठी सहकार्य मिळत आहे.