शिहू विभागातील दहा दिवसांच्या गणरायांना भावपूर्ण निरोप

सिटी बेल | मंजुळा म्हात्रे | नागोठणे |

शिहू विभागामधील चाले, गांधे, जांभूळटेप, मुंढानी येथील दहा दिवसांच्या गणरायांना ‘ गणपती बाप्पा मोरया,’ ‘ पुढल्या वर्षी लवकर या ‘ अशी आर्त हाक मारीत साश्रू नयणांनी भावपूर्ण निरोप देण्यात आला.

गेली दहा दिवस बाप्पा आपल्या घरी विराजमान झाले होते. त्यांच्या साठी नैवेद्ये प्रसाद बनविण्यात गृहनी मग्न झाल्या होत्या.

सर्व गणेशभक्तांनी आपल्या लाडक्या बाप्पाची भजन, कीर्तन, अध्यात्मिक कार्यक्रम, पारंपरिक नाचा गाण्याच्या कार्यक्रमातून सेवा केली, त्या आपल्या लडक्या बाप्पाला निरोप देताना सर्वांच्या डोळ्यात अश्रू आले होते. निरोप देताना सर्वांनी प्रार्थना केली गणपती बाप्पा जगावर आलेले हे कोरोना रुपी संकट दूर कर आणि सर्वांना सुखी कर.’ गणपती बाप्पा मोरया,’ पुढल्या वर्षी लवकर या ‘ अशी विनंती केली.

चोळे गांधे येथील आंबा नदीच्या घाटावर गणेश विसर्जन करण्यात आले. विसर्जन ठिकाणी कोणताही अनुचित प्रकार घडू नये म्हणून पोलिस उपनिरीक्षक प्रमोद कदम ( पोलिस दुरक्षेत्र वेलशेत ) यांच्या मार्गदर्शनाखाली चोख बंदोबस्त ठेवण्यात आला होता. नागरिकांनी प्रशासनाच्या नियमांचे पालन करून साश्रू नयणांनी गणरायाला निरोप दिला.