नारपोळीतील रोशन म्हस्कर यांच्या इकोफ्रेंडली गणेशोत्सवाचे भक्तांना आकर्षण

सिटी बेल | रसायनी | राकेश खराडे |

रसायनी-कोन रस्त्यावरील नारपोळी येथील रोशन शिवराम म्हस्कर हे दरवर्षी भक्तांना आकर्षण ठरेल असे पर्यावरणपूरक देखावे साकारत असतात.यावर्षी रोशनने आपल्या निवासस्थानी इकोफ्रेंडली गणेशोत्सव साजरा करुन तळीये आंबेगाव येथे दरड कोसळून मृत्यू पावलेल्या नागरिकांना श्रद्धांजली अर्पण करण्याचा तसेच पर्यांवरण संरक्षण देखावा साकारला आहे.

यातच कोरोनाला हरविण्यासाठी नागरिकांनी घ्यावयाची काळजी याबाबत जनजागृती पर देखावाही रोशनने साकारला असून भक्तांचे आकर्षण ठरत आहे.सर्वत्र इकोफ्रेंडली गणेशबाप्पा आणून पर्यावरण वाचवा असा संदेश त्याने दिला आहे.दरम्यान नारपोळी येथील रोशन शिवराम म्हस्कर यांच्या निवासस्थानी साकारलेला श्रीगणेश देखावा पाहण्यासाठी भक्त येत आहेत.