माझा स्वभाव
मी असा खूप स्पष्ट
म्हणून कदाचित तुसडा म्हणती
नावे ठेवून मला हिणवती
तरीही असा मी खूप स्पष्ट
चुकलो नकळत कधीमधी मी
हात जोडले क्षमा मागूनी
जगणे केले निर्मळ माझे
स्पष्ट बोलूनी स्पष्ट राहूनी
मी इतरांशी कधी स्वतःशी
सोडून गेले तुसडा म्हणूनी
नव्हते माझे ते तर कोणी
सखे सोबती जे जे टिकले
जीवलग झाले मित्र होऊनी
साठीच्या या उंबरठ्यावर
वृक्ष बहरला शीतल होऊन
वृक्ष बहरला शीतल होऊन
अनंत खोत, विलेपार्ले
Be First to Comment