चैतन्याच्या गाभाऱ्यात
उगवले नारायण गगनी
हसे गालात ती अवनी
डोले तुळस वृन्दावनी
वसे तिथे चक्रपाणी
कुणी करती सडा-संमार्जन
कुणी करती नामस्मरण
वासुदेवाच्या रूपानं
दर्शन देती भगवान.
उन्हे खेळती शेतात
दाणे भरती कणसात
आशेच्या अंकुराचे
रोप वाढते मनात
निसर्गाचे सारे देणे
डोळे भरती आनंदाने
चैतन्याच्या गाभाऱ्यात
सुखाचे ते होई जीणे.
संध्या करंदीकर, नवीन पनवेल
Be First to Comment