संध्या समई

संध्या समई

घनभरलेल्या डोहापाशी
कुणी असावे संध्या समयी ।
रविकिरणांनी तेवत राहो
डोळ्यातुन ती संध्या समई ।

नक्षत्रांनी सजवुन जावे
क्षितीज सारे संध्या समयी ।
नदीघाटाला उजळुन जावी
प्रतिबिंबातुन संध्या समई ॥

टिपुर चांदणे भिजवुन जावे
व्रुक्ष तरुंना संध्या समयी ।
सप्तरंगल्या इंद्रधनुला
नटवुन जावी संध्या समई ॥

तुझ्या मनातील गूज सांगतो
चंद्र नभातून संध्या समयी
त्याच मनातील आठवणींची
तेवत राहते संध्या समई

केदार जोशी, पनवेल