गोवे गावाच्या हद्दीत अनोळखी इसमाची आत्महत्या

संपर्क साधण्यासाठी कोलाड पोलिसांचे आव्हान 🔷🔶🔷

सिटी बेल लाइव्ह । गोवे-कोलाड । विश्वास निकम । 🔶🔷🔶

गोवे गावाच्या हद्दीतील कोकण रेल्वे ट्रॅक जवळ सोमवार दिनांक ५ऑक्टोबर २०२०रोजी दुपारी तीनच्या सुमारास एक ४० वर्षीय अनोळखी इसमाचा मृतदेह सापडला असून या इसमाचा कोणी नातेवाईक असेल तर कोलाड पोलीसांशी संपर्क करावा असे पोलिसांकडून सांगण्यात येत आहे.

याबाबत सविस्तर वृत्त असे कि पोलिस सूत्रांकडून मिळालेल्या माहितीनुसार सोमवार दिनांक ५ ऑक्टोबर २०२०रोजी दुपारी ३ च्या सुमारास गोवे गावाच्या हद्दीतील कोकण रेल्वे ट्रॅक जवळ गट क्रमांक ३८० मधील आंब्याच्या झाडाला गळफास घेऊन आत्महत्या केली असुन कोलाड पोलिसांत याची नोंद आकस्मित निधन ०१६/ २०२०अशी करण्यात आली असून या इसमाच्या हातावर राजू रंजना असे नाव असून या इसमाचे कोणी नातेवाईक असतील तर कोलाड पोलिसांशी संपर्क साधावा असे आवाहन करण्यात आले आहे.अधिक तपास कोलाड पोलीस निरीक्षक प्रशांत तायडे करीत आहेत