खालापूरात दुचाकिच्या अपघातात एक ठार

सिटी बेल लाइव्ह । खालापूर । मनोज कळमकर । 🔷🔶🔷

महामार्गावर चालकाने निष्काळजीपणे ऊभा करून ठेवलेला ट्रकला धङकून तुळशीराम कृष्णा जाधव (वय-35 रा.पोयंजे ता.पनवेल) यांचा मृत्यू झाल्याची घटना जुन्या मुंबई पूणे महामार्गावर चौक हद्दीत घङली.

अपघातास कारणीभूत ट्रक चालकावर गुन्हा दाखल करण्यात आला आहे. सकाळी आठच्या सुमारास  ट्रक क्रमांक एम.एच.46 ए. आर. 2026 यावरील चालक याने ट्रक मौजे चौक गावच्या हद्दीत मुंबई पुणे महामार्गावर धावरी नदीचे पुलाच्या पुढे  रस्त्यामध्ये धोकादायक स्थितीत उभा करून ठेवला होता. सुरक्षिततेच्या दृष्टीने कोणतीही उपाययोजना न करता  रिफलेक्टर न लावता उभा केल्याने दुचाकिस्वार तुळशीराम जाधव  यांचा ट्रक च्या मागील बाजुस ठोकर मारून अपघात झाला.गंभीर,जखमी जाधव यांचा मृत्यू झाल्याने अपघातास कारणीभूत ट्रक चालकावर गुन्हा दाखल करून अटक करण्यात आली आहे.

याबाबत खालापूर पोलीस ठाणे येथे अधिक तपास पोलीस नाईक एस  खंडागळे हे करीत आहेत.