बंद कारमध्ये गुदमरून दोन चिमुरड्या सख्या भावांचा मृत्यु : महाड तालुक्यातील नांगलवाडी येथील घटना 🔷🔶🔶🔷
सिटी बेल लाइव्ह । रायगड । धम्मशील सावंत 🔷🔷🔶🔶
मृत्यू कुणावर कधी आणि कशी झडप घालेल याचा नेम नाही, असाच जीव दोन चिमूकल्यानी गमावलाय. महाड तालुक्यातील नांगलवाडी येथील भंगार गोडाऊन शेजारी उभी असलेल्या बंद होडा सिटी कारमध्ये गुदमरून दोन चिमुरड्या सख्ख्य भावांचा मृत्यु झाल्याची हृदयद्रावक घटना घडली आहे.
सुहेल खान वय वर्ष 6 आणि अब्बास खान वय वर्ष 4 अशी दोघांची नावं आहेत. हे दोघे चिमुरडे संध्याकाळी खेळताना या गाडीत बसले असावेत दरम्यान गाडी बंद झाली आणि ती त्या दोघांना उघडता आली नाही असा प्राथमिक अंदाज वर्तवला जात आहे. दोन्ही मृतदेह शवविच्छेदनासाठी महाड ग्रामिण रुग्णालयामध्ये नेण्यात आले असुन महाड औद्योगिक वसाहत पोलिस अधिक तपास करीत आहेत.
दरम्यान वाहनचालकांनी अशा प्रकारच्या दुर्घटना टाळण्यासाठी आवश्यक ती खबरदारी घेण्याचे आवाहन पोलीस प्रशासनाने केले आहे.
Be First to Comment