सिटी बेल लाइव्ह / जोधपूर – राजस्थान 🔶🔷🔷🔶
सासूच्या जाचाला आणि कटकटीला कंटाळून तीन सूनांनी आपल्या सासूची हत्या केल्याची धक्कादायक घटना घडली आहे. तर तीन सूनांनी सासूची हत्या केल्यानंतर आत्महत्येचा बनाव रचल्याची घटना उघड झाली आहे. हा प्रकार राजस्थानमधल्या जोधपूर जिल्ह्यातील हरयाल गावातील असून या एका घटनेने संपूर्ण परिसर हादरुन गेला आहे. मात्र पोलिसांनी वचक दाखवताच त्या तीनही सूनांनी आपला गुन्हा कबूल केला असून आता त्यांना पोलिसांनी ताब्यात घेतले आहे आणि त्यांना सध्या जेलची हवा खावी लागते आहे.
नेमके काय घडले?
राजस्थानमधल्या जोधपूर जिल्ह्यातलं हरयालच्या एका कुटुंबात तीन सूना आपल्या सासूसह एकत्र राहत होत्या.दररोज त्यांची सासू कट कट करत असल्याने त्याचा राग तीनही सूनांना येत होता. या जाचाला वैतागून यातून सुटका करण्यासाठी त्या सूनांनी सासूची गळा आवळून हत्या तिची केली आणि तिचा मृतदेह पंख्याला अटकवून ठेवला आणि त्या आपापल्या खोल्यांमध्ये निघून गेल्या.
पोस्टमार्टेम रिपोर्टमधून हत्या असल्याचे स्पष्ट
काही वेळानंतर घरातील माणसांनी खोली उघडून पाहिलं त्यावेळी त्यांना आई ही पंख्याला लटकलेल्या अवस्थेत दिसली. त्यानंतर तिथे तिनही सुना आल्या आणि त्यांनी रडण्याचे नाटक देखील केले. मात्र याचा तपास पोलिसांकडून करण्यात आला तेव्हा ही आत्महत्या नसून हत्या असल्याचं मत व्यक्त केलं गेलं आणि पोस्ट मार्टेम रिपोर्टमधून हे उघड झालं. त्यानंतर पोलिसांनी केलेल्या चौकशीत सूनांनी आपला गुन्हा कबुल केला. त्या तिघींची कोरोना चाचणी करून त्यांना जेलमध्ये रवाना करण्यात आहे.
दरम्यान, सासू झोपलेली असतांना त्या तिघीही तिच्याजवळ गेल्या आणि उशी आणि कापडाच्या साह्याने सासूचा गळा आवळून तिची हत्या केल्याचे सांगितले जात आहे.
Be First to Comment