भरधाव जाणाऱ्या कंटेनर व दुचाकींचा अपघातात

दुचाकीवरील 24 वर्षीय तरुणांचा जागीच मृत्यू 🔶🔷🔶🔷

सिटी बेल लाइव्ह / कर्जत – (संजय गायकवाड) 💠🌟💠🌟

भरधाव जाणाऱ्या कंटेनर व दुचाकींचा अपघातात दुचाकीवरील 24 वर्षीय तरुणांचा जागीच मृत्यू झाला. कशेळे मुरबाड या राज्यमार्गावर पिंगळेवाडी (सुगवे) येथील अवघड वळणावर हा अपघात झाला.

मृत्यू झालेल्या तरुणाचे नाव किशोर पालू वारे असून तो मंगळवार दि. 25 ऑगस्ट सायंकाळी 7 वा आपल्या जांभूळवाडी ग्रामपंचायत वारे येथील घरी परतत असताना हा अपघात झाला. कंटेनर आणि बाईक चे समोरा समोर ठोकर होवून कंटेनरचे चाक किशोरच्या अंगावरून गेल्याने तो जबर जखमी झाला होता.

जवळ असणाऱ्या कशेळे ग्रामीण रुग्णालयात नेले असता डॉक्टरने त्याला मृत घोषित केले.कंटेनर चालकाला कशेळे पोलिसांनी ताब्यात घेतले आहे.
कशेळे मुरबाड या राज्य मार्गाचे काम सुरू आहे, हे काम अतिशय संत गतीने होत असल्याने असे अपघात होत असल्याचे देखील स्थानिक ग्रामस्थ बोलत आहेत.

किशोर हा उच्च शिक्षित होता तर तीन महिने पूर्वीच त्याचे विवाह झाल्याचे बोलले जात आहे,किशोरच्या अश्या जाण्याने जांभुळवाडी गावावर शोककळा पसरली आहे.