नगराध्यक्षा सुवर्णा जोशी यांच्याहस्ते उद्घाटन

कर्जत टेकडीवर ओपन जिम नगर परिषदेच्या माध्यमातून उपलब्ध

सिटी बेल ∆ कर्जत ∆ विजय मांडे ∆

कर्जत शहराच्या मध्यवर्ती ठिकाणी असलेली टेकडी अबाल वृद्धाचे फिरण्याचे आवडते ठिकाण. याठिकाणी बरेच नागरिक सकाळ आणि सायंकाळी फिरायला जातात. कर्जत टेकडीवर ओपन जिम नगर परिषदेच्या माध्यमातून उपलब्ध करून देण्यात आली. तिचे उद्घाटन नगराध्यक्षा सुवर्णा जोशी यांच्या हस्ते करण्यात आले.

कचेरी तहसील टेकडीवर अनेक जण सकाळी मॉर्निंग वॉक साठी तसेच सायंकाळी फिरायला येतात आणि निसर्ग मित्र मंडळ हा ग्रुप झाडे लावून त्यांची जोपासना करण्याचे काम सातत्याने करत असतो. यामध्ये सर्व वयोगटातील निसर्गप्रेमी आहेत बरेच ज्येष्ठ नागरिक देखील आहेत ते परिसर स्वच्छ ठेवण्यास ही मदत करतात. त्यांच्या बरेच दिवसापासून च्या मागणीनुसार या परिसरात व्यायामाचे साहित्य ( ओपन जिम) नगर परिषदेच्या माध्यमातून उपलब्ध करून दिले आहे, व्यायाम झाल्यानंतर बसण्यासाठी पाच छोटे- छोटे कट्टे बनवले असून आपल्याला कुठेही अडथळा येणार नाही आणि त्या सर्व साहित्याची काळजी ग्रुपचे सदस्य घेणार आहेत. तुमच्या कार्यालयालातील सर्वांना देखील याचा नक्कीच उपयोग होईल. त्यासाठी आपण जागा उपलब्ध करून दिली आणि इतरही सहकार्य केले. त्याबद्दल सर्वांच्या वतीने मनापासून आभार मानले आहे