जिल्हास्तरीय कबड्डी स्पर्धेत गोखले महाविद्यालयाचे यश

सिटी बेल ∆ बोर्ली-पंचतन ∆ केतन माळवदे ∆

म्हसळा येथील कोकण उन्नती मित्र मंडळाचे, वसंतराव नाईक कला आणि वाणिज्य महाविद्यालय आणि बॅ.ए.आर. अंतूले विज्ञान महाविद्यालय यांच्या तर्फे रायगड जिल्हास्तरीय कबड्डी स्पर्धेचे आयोजन करण्यात आले होते. या स्पर्धेमध्ये गोखले महाविद्यालय, श्रीवर्धनच्या कबड्डी संघाने प्रथम क्रमांक मिळवून बाजी मारली.

या विजयाचे पारितोषिक म्हणून कबड्डी संघाला प्रथम क्रमांकाचे बक्षीस, रोख रक्कम रक्कम रुपये दहा हजार व चषक प्रदान करण्यात आला.

या दिमाखदार विजयाचे प्राचार्य, डॉ. जोशी उप प्राचार्य, किशोर लहारे तसेच सर्व प्राध्यापक व प्राध्यापकेतर कर्मचारी यांनी कबड्डी संघाचे अभिनंदन केले.

या स्पर्धेसाठी विद्यार्थ्यांना प्राचार्य, डॉ. श्रीनिवास जोशी, क्रीडा विभाग प्रमुख, प्रा. सागर कुंभार, प्रा. योगेश लोखंडे, अमोल खेराडे, निकेत कोसबे यांचे मार्गदर्शन लाभले. गोखले महाविद्यालयाच्या या घवघवीत यशाबद्दल विद्यार्थ्यांचे सर्वत्र कौतुक करण्यात येत आहे.