सिटी बेल ∆ कर्जत ∆ संजय गायकवाड ∆
जैन धर्मियांच्या पर्युषण पर्वाची काल सांगता झाली. या निमित्ताने कर्जत शहरातील जैन बांधवांनी भगवान महावीरांच्या मूर्तीची कर्जत शहरातून मिरवणूक काढली व जैन मंदिरात मिरवणुकीची सांगता करण्यात आली. या प्रसंगी मोठ्या संख्येने जैन बांधव व भगिनी उपस्थित होत्या.
जैन मुनीश्री पार्श्वभूषण विजयजी महाराज आणि जैन मुनीश्री लक्षनिधिश्रीजी महाराजांच्या नेतृत्वाखाली मिरवणुक काढण्यात आली. मिरवणुकीमध्ये घोडे सुद्धा सहभागी करण्यात आले होते. गेली दोन वर्षे कोरोनाच्या संकटामुळे हा सोहळा मर्यादित होता. यंदा हा सोहळा उत्साहात संपन्न झाला.
याप्रसंगी जैन समाजाचे अध्यक्ष जयंतीलाल परमार, उपाध्यक्ष दिनेश जैन, उपनगराध्यक्ष अशोक ओसवाल, मोहन ओसवाल, साजन ओसवाल, दिपचंद ओसवाल, पंकज ओसवाल, विक्रम ओसवाल, राजेश ओसवाल, राजेंद्र परमार, जितेंद्र ओसवाल, पंकज परमार, सचिन ओसवाल आदींसह जैन बांधव व भगिनी मोठया संख्येने उपस्थित होत्या.
विशेष म्हणजे या मिरवणुकीत 29 डिसेंबर 2022 रोजी संन्यास घेणारा बारा वर्षांचा कु. कलश योगेश ओसवाल सुद्धा होता. तो सर्वांचे आकर्षण ठरला होता.
Be First to Comment