मालेगाव येथे जाऊन आवळल्या आरोपीच्या मुसक्या

अल्पवयीन मुलीचे अपहरण करणाऱ्याला पनवेल तालुका पोलिसांच्या पथकाने केले गजाआड

सिटी बेल ∆ पनवेल ∆ संजय कदम ∆

एका १४ वर्ष ११ महिनाच्या मुलीस फूस लावून अपहरण केल्या प्रकरणी पनवेल तालुका पोलिसांच्या पथकाने सखोल तपास करून मालेगाव येथून अटक केली आहे .

तालुक्यातील खैरणे गाव येथून एका अज्ञात इसमाने अल्पवयीन मुलगी वय 14 वर्ष 11 महिने हीचे फूस लावून अपहरण केलेबाबत आशयाची तक्रार पनवेल तालुका पोलीस ठाण्यात दाखल होताच वरिष्ठ पोलीस निरीक्षक रविंद्र दौंडकर यांच्या मार्गदर्शना खाली गुन्ह्याचा तपास गुन्हे प्रकटीकरण पथकाचे सहाय्यक पोलीस निरीक्षक संजय गळवे,मसपोनि अंबिका अंधारे , पो. हवा. सुनील कुदळे ,पो. हवा. महेश धुमाळ ,पो.ना. पंकज चंदीले ,पो ना प्रकाश मेहर ,मपोना नीलिमा म्हात्रे व पथकाने पनवेल, तळोजा परिसरातील सी. सी. टी. व्ही. फुटेज चेक करून आरोपी निष्पन करण्यास सुरुवात केली .

तांत्रिक तपास व गुप्तबातमीदरांच्या माहिती नुसार सदर आरोपी रत्नागिरी येथे असल्याची माहिती मिळाली सदर पथक तेथे पोहोचले असता आरोपीस पोलिस त्याचे मागावर आहे याची कुणकुण लागल्याने अपहरीत मुलीस घेऊन तो रत्नागिरी येथून पळून गेला.

पोलिस पथकाने रत्नागिरी रेल्वे स्टेशनचे सर्व सी. सी. टी. व्ही. फुटेज तपास करून त्याचा मागोवा घेत घेत मनमाड,मालेगाव गाठले.सदर आरोपी हा बीफ फिशरी प्रोसेसिंग कंपनीत पहिल्यापासून काम करीत असल्याने तो मालेगाव येथील बिफच्या कंपनीत काम करत असावा असा कयास करून मालेगाव मधील सर्व बिफ कंपन्या चेक केले असता आरोपी हा फायर इम्पोर्ट आणि एक्स्पोर्ट कंपनी येथे कामाला असल्याची माहिती मिळाली.

मालेगाव येथे जाऊन स्थानिक पोलिसांच्या मदतीने पाहिजे आरोपी बबुल दिलाई स्वरग्रही, वय 22वर्ष. राह. सिपोरिया, पोस्ट.तेलिगाव, आसाम यास कंपनीच्या लेबर कॉलनी मधून ताब्यात घेऊन अपहरीत मुलीची यशस्वीरित्या सुखरुप पणे सुटका केली व आरोपीस अटक केली.अशाप्रकारे वर नमूद पोलीस पथकाने फक्त सी.सी.टी.व्ही. च्या आधारे कौशल्य पूर्व तपास करून गुन्हा उघडकीस आणलेला आहे.पुढील तपास मसपोनि अंबिका अंधारे करीत आहेत.