कांबे व चांभार्ली जिल्हा परिषद शाळेतील विद्यार्थ्यांना वह्यावाटप

पोलिसांकडून “पोलीस काका आणि पोलीस दीदी” संकल्पनेबाबत मार्गदर्शन

सिटी बेल ∆ रसायनी ∆ राकेश खराडे ∆

रसायनी पोलीस ठाणे व ऑल इंडिया पोलीस जनसेवा संघटना यांच्या संयुक्त विद्यमाने कांबे व चांभार्ली येथील जिल्हा परिषद शाळांतील विद्यार्थ्यांना वह्या वाटप कार्यक्रम व विध्यार्थ्यांना “पोलीस काका आणि पोलीस दीदी संकल्पनेबाबत माहिती देण्यात आली‌.

रायगड पोलिस अधीक्षक कार्यालयाच्यावतीने पोलिस अधीक्षक अशोक दुधे, अप्पर पोलीस अधिक्षक अतुल झेंडे यांच्या मार्गदर्शनाखाली उपविभागीय पोलिस अधिकारी संजय शुक्ला, रसायनी पोलिस ठाण्याचे वरिष्ठ पोलीस निरीक्षक कैलास दादाभाऊ डोंगरे व ऑल इंडिया पोलीस जनसेवा संघटना यांच्या संयुक्त विद्यमाने कांबे व चांभार्लीं जिल्हा परिषद शाळेत वह्या वाटप कार्यक्रम राबविण्यात आला. यावेळी रसायनी पोलीस ठाण्याचे वरिष्ठ पोलीस निरीक्षक कैलास दादाभाऊ डोंगरे ,ऑल इंडिया पोलीस जनसेवा संघटनेचे महाराष्ट्र सचिव गणेश थोरवे,रायगड जिल्हा अध्यक्ष सागर काशिनाथ कुरंगळे, पोलिस शिपाई जाधव मॅडम, पोलिस नाईक विशाल झावरे, सचिन गोंधळी, रोशन गोंधळी,मयूर डुकरे, सुशील कुरंगळे, सुनील कुरंगळे,मनिष कुरंगळे, बाळकृष्ण कुरंगळे,सचिन कुरंगळे, मनिष कुरंगळे,जीवन कुरंगळे आदी उपस्थित होते.