भव्यदिव्य स्वरूपात प्रणाली जैनचा दिक्षा सोहळा संपन्न
सिटी बेल • पेण • वार्ताहर •
भगवान महावीर स्वामी यांच्या विचारांना प्रेरीत झालेली पेण शहरातील प्रणाली रविंद्र जैन या कन्येचा दिक्षा सोहळा भव्यदिव्य स्वरूपात शहरातील तालुका क्रीडा संकुल येथे पार पडला.
पेण शहरात मागच्या पाच दिवसांपासून सुरू असणा-या या दिक्षा सोहळ्याच्या आजच्या शेवटच्या दिवशी जैन समाजातील असंख्य नागरिकांनी उपस्थित राहून दीक्षाकर्ती प्रणाली हिला साश्रू नयनांनी पाहिले. सकाळपासूनच दीक्षास्थली वेगवेगळे उपक्रम राबवून आनंदोत्सव साजरा करीत त्यानंतर दिक्षा विधी सुरू करण्यात आला.
यावेळी पं.पु.आचार्य भगवान श्री. देवकीर्ती सुरीश्वर महाराज यासह इतर जैन साधू मुनी यांनी प्रणालीला दीक्षा अर्पीत केली.जैन समाजात पीडा बिना, पैसा बिना, पाप बिना जीवन हेच साधूंचे जीवन असून या जिवनाकरीता प्रणाली हीने आपला संपूर्ण जीवन साधू मार्फत समर्पित करून ती तन, मन, धन, मोह, माया या सर्व गोष्टींपासून अलिप्त राहून यापुढे आपले जीवन भगवान महावीर स्वामी यांच्या विचारांकरीता आपल्या नवीन आयुष्याची सुरुवात करणार असल्याने ती लागलीच दीक्षा समर्पित करून आपल्या जीवनाकरीता मार्गस्थ झाली.
यावेळी उपस्थित आमदार रविशेठ पाटील, आमदार अनिकेत तटकरे, जैन समाजातील किर्तिकुमार बाफना, भाजपचे जिल्हा उपाध्यक्ष वैकुंठ पाटील, पेण न.पा. सभापती दर्शन बाफना, राष्ट्रवादी काँग्रेस तालुकाध्यक्ष दयानंद भगत, पेण शहर उपाध्यक्ष तथा प्रसिद्ध व्यापारी विशाल बाफणा आदींसह जैन समाजातील हजारों महिला, पुरुष, लहान मुले उपस्थित होते.
Be First to Comment