तायक्वांडो साई ( NSNIS ) डिप्लोमा साठी निलेश जाधव ची निवड
सिटी बेल • पनवेल •
सुभाषचंद्र राष्ट्रीय खेल प्राधिकरण ( Sports Authority of India ) यांच्या माध्यमातून एक वर्षाचा तायक्वांडो डिप्लोमा कोर्स चालविला जातो.या कोर्स मध्ये दिवसातून ८ ते १० तास तायक्वांडो व स्पोर्ट्स सायन्स चे प्रशिक्षण दिले जाते. या कोर्ससाठी निवड होणे हे कुठल्याही तायक्वांदो खेळाडूचे स्वप्न असते. रायगड जिल्हा तायक्वांडो असोसिएशनचे सचिव, 7 डिग्री ब्लॅक बेल्ट होल्डर सुभाष पाटील यांच्या मार्गदर्शनाखाली सराव करणारे निलेश जाधव यांची या अत्यंत प्रतिष्ठित अशा कोर्ससाठी निवड झाली आहे.
निलेश जाधव हा बंगलोर येथील साई सेंटर मध्ये एक वर्षाच्या तायक्वांडो डिप्लोमासाठी रवाना झाला आहे. या कोर्ससाठी निवड करताना देशभरातून हजारो खेळाडूंची परीक्षा घेतली जाते. जिल्हास्तरीय, राज्यस्तरीय आणि देशपातळीवरील स्पर्धांच्यात सुवर्ण पदक पटकावणारे निलेश जाधव यांची या कोर्ससाठी निवड झाली आहे.
विशेष उल्लेखनीय म्हणजे संपूर्ण महाराष्ट्र राज्यातून फक्त निलेश जाधव यांची निवड झाली आहे.निलेश जाधव हे मागील १५ वर्षांपासून सुभाष पाटील यांच्या मार्गदर्शनाखाली तायक्वांडो प्रशिक्षण घेत आहेत.
निलेश जाधव यांचा डिप्लोमा कोर्स पूर्ण झाल्यानंतर त्यांच्या शिक्षणाचा फायदा रायगड जिल्यातील प्रत्येक तायक्वांडो खेळाडूला घेता येईल, निलेश जाधव यांच्या मार्गदर्शनातून तायक्वांडो या खेळाचे अत्याधुनिक प्रशिक्षण व स्पोर्ट्स सायन्स चे योग्य ते मार्गदर्शन घेता येईल.
– सुभाष पाटील
सचिव,रायगड जिल्हा तायक्वांडो असोसिएशन
7 डिग्री ब्लॅक बेल्ट होल्डर
Be First to Comment