टाकावू वस्तूपासून टिकाऊ वस्तू

प्रथम एज्युकेशन फाउंडेशनच्या वतीने आराव गाव येथे विज्ञान प्रदर्शनचे आयोजन

सिटी बेल • काशिनाथ जाधव •
पाताळगंगा •

विद्यार्थ्यांमध्ये विज्ञान प्रदर्शन विषयी आवड निर्माण व्हावी तसेच या माध्यमातून खुप काही शिकण्यात यावे या दृष्टीकोणातून प्रथम एज्युकेशन फाउंडेशन चिलठण च्या वतीने जिल्हा परिषद शाळा व हायस्कूल आराव गाव येथे विज्ञान प्रदर्शनचे आयोजन करण्यात आले होते.

यावेळी मेळाव्यात २५ -मॉडल्स ठेवण्यात आले.पाचवी ते आठवी शिक्षण घेत असलेल्या पन्नास विद्यार्थ्यांनी यशस्वी रित्या प्रयोग करुन त्यांचे प्रात्यक्षिकरण करून समजून सांगितले.यावेळी पहिली ते दहावी चे विद्यार्थी उपस्थित होते.

हा मेळावा प्रथम एज्युकेशन फाउंडेशन संस्थे अंतर्गत विज्ञान केंद्र चिलठन द्वारे आयोजित करण्यात आला होता. आजचे युग हे विज्ञान युग असल्यामुळे नविन – नविन प्रयोगातून आपल्याला खुप काही शिकण्यासारखे असून शिवाय आभ्यास क्रमात हे प्रयोग असून पुस्तकाच्या चित्रामधून ते पहावयास मिळत असे,मात्र जेव्हा आपण स्वता हे प्रात्येकक्षिकरण करतो तेव्हा या विज्ञान विषयी आवड निर्माण होत असते.

दैनंदिन जिवनात आपल्या घरातून मोठ्याप्रमाणावर टाकावू वस्तू आपण टाकून देत असतो.मात्र याच वस्तूच्या माध्यमातून एखादी वस्तू निर्माण करतो.त्या वेळी ती विज्ञान शी एकरूप होत असते.या दृष्टीकोणातून हे आजचे विद्यार्थी भविष्यात शास्त्रज्ञ व्हावे,त्यांनी आपल्या शाळेचे,गावाचे ,जिल्हाचे नाव उज्ज्वल करावे या उद्देशाने हे प्रदर्शन राबविण्यात आले.

या मेळाव्यात १४ शिक्षक,४१ पालक,तसेच १५३ विद्यार्थ्यांनी सहभाग घेतला होता. ही शाळकरी मुळे हे प्रदर्शन पहावयास येत असलेल्या सर्व मान्यवरांना त्याचे महत्व सांगत होते.अश्मयुग काळात प्रगती झाली नव्हती, मात्र मानवांनी आपल्या बुद्धी चातुर्याने विविध शोध कसे लागले हे सहज पणे दाखवून दिले.

गेले तीन दिवस प्रथम एज्युकेशन फाउंडेशन चिलठण चे शिक्षक शिक्षक वर्ग विद्यार्थ्यांना प्रथम संस्था समन्वयक-रणजीत वाघमारे- सेंटर इंचार्ज – अश्विनी भगत- विज्ञान मित्र, प्रणाली पाटिल- विज्ञान मित्र.मार्गदर्शन करीत होते.तसेच केन्द्रपमुख, मुख्याध्यापिका-जिल्हापरिषद/हायस्कूल, शिक्षक व पालक आराव गाव अदि उपस्थित होते.