संजय होळकर यांना पुरस्कार

भाजपा शिक्षक आघाडीचा वसंत स्मृती आदर्श शिक्षक पुरस्कार २०२१ शिक्षक संजय होळकर यांना प्रदान

सिटी बेल | उरण | विठ्ठल ममताबादे |

महाराष्ट्र राज्य विधान परीषदेचे माजी उपसभापती स्वर्गीय वसंतराव डावखरे यांच्या स्मृतीप्रित्यर्थ कोकण पदवीधर मतदार संघाचे आमदार ऍडव्होकेट निरंजन डावखरे यांच्या संकल्पनेने आणि प्रेरणेने व भाजपा शिक्षक आघाडीचे वतीने कोकण विभागांतर्गत ठाणे,पालघर,रायगड,रत्नागिरी व सिंधुदुर्ग जिल्ह्यातील प्रज्ञावंत,गुणवंत व उपक्रमशील,सर्जनशील व प्रयोगशील प्राचार्य,उपप्राचार्य, मुख्याध्यापक, उपमुख्याध्यापक,पर्यवेक्षक व शिक्षक बंधुभगिनींना त्याचप्रमाणे शिक्षण संस्थाचालक व प्रधानमंत्री कौशल्य विकास योजना संस्थाचालक यांना स्मृतिचिन्ह, प्रमाणपत्र व गुलाबपुष्प देऊन गेल्या चार वर्षांपासून सन्मानित करण्यात येते.

यावर्षी कोरोनाकाळाचा विचार करता वसंतस्मृती आदर्शशिक्षक पुरस्कार-76, वसंतस्मृती कोरोना वॉरीअर्स-25,वसंतस्मृती आदर्श शिक्षण संस्थाचालक-03,वसंतस्मृती आदर्श प्रधानमंत्री कौशल्य विकास संस्था-01 यांना समारंभपुर्वक टीप टॉप प्लाझा हॉल ठाणे येथे मोठ्या उत्साहात प्रदान करण्यात येणार आला.

यावेळी रायगड जिल्हा परिषद प्राथमिक शाळा मोठीजुई ता. उरण जि.रायगड या शाळेचे उपक्रमशिल शिक्षक संजय जयराम होळकर यांना वसंतस्मृती आदर्श शिक्षक पुरस्कार २०२१ ने गौरविण्यात आले.

या कार्यक्रमाला प्रमुख समारंभाध्यक्ष म्हणून कपिल पाटील-केंद्रीय राज्य मंत्री पंचायत राज समिती भारत सरकार,प्रमुख पाहुणे म्हणून आमदार संजय केळकर, आमदार प्रशांत ठाकूर,माजी आमदार विनयजी नातू,संदीप लेले,शेषराव बढे शिक्षणाधिकारी माध्य. ठाणे, माधवीताई नाईक, भाजप शिक्षक आघाडी नेते,कार्यकर्ते व कोकण विभाग सर्व पुरस्कार प्राप्त शिक्षक बंधू भगिनी मान्यवर उपस्थित होते.शिक्षक संजय होळकर यांना यापूर्वीही विविध पुरस्काराने सन्मानित करण्यात आले आहे. आणि आता या पुरस्कारामूळे त्यांच्यावर विविध स्तरातुन अभिनंदनाचा वर्षाव होत आहे.