राष्ट्रीय डायरेक्ट हॉलीबॉल स्पर्धेचे आयोजन

राष्ट्रीय डायरेक्ट हॉलीबॉल स्पर्धेची नाशिक येथे उत्साहात सुरुवात

सिटी बेल | अलिबाग | अमूलकुमार जैन |

नाशिक जिल्ह्यातील महाजे येथील जिल्हा परिषद प्राथमिक येथे ,राष्ट्रीय डायरेक्ट हॉलीबॉल स्पर्धेस सुरुवात करण्यात आली आहे.या स्पर्धेच्या उद्घाटनप्रसंगी महाराष्ट्र विधानसभेचे अध्यक्ष नरहरी झिरवाळ यांच्या हस्ते संपन्न झाले.

याप्रसंगी राष्ट्रीय डायरेक्ट हॉलीबॉल असोसिएशनचे अध्यक्ष विपिन चहल, आमदार नितीन पवार, आमदार मंजुळाताई गावीत, नाशिक क्रीडा विभागाचे उपसंचालक संजय महाडिक, डायरेक्ट हॉलीबॉल असोसिएशनचे राष्ट्रीय सिनिअर उपाध्यक्ष तथा महाराष्ट्र प्रदेशाध्यक्ष प्रा. डी. बी.साळुंखे, राष्ट्रीय असोसिएशनचे महासचिव विक्रम सिंह,महाराष्ट्र असोसिएशनचेचे महासचिव तथा राष्ट्रीय उपाध्यक्ष माजी प्राचार्य दीपक मोकल, खजिनदार अंकुश पाठक, राष्ट्रीय सहसचिव मीनू मानव,महाजे गावचे सरपंच वसंत भोये इत्यादी मान्यवरांची प्रमुख उपस्थित होती.

सदर स्पर्धेत मध्यप्रदेश संघाने ओरिसा संघाचा 22-20 अशा सेट मध्ये पराभव करीत विजय संपादन केला. ,मुंबई संघाने राजस्थानचा संघाचा 21- 6 सेटमध्ये पराभव करीत विजय संपादन केला., तामिळनाडू संघाने दीव दमन संघाचा 21-13 या सेटमध्ये पराभव करीत विजय संपादन केला., चंदीगड संघाने महाराष्ट्र पोलीस संघाचा 21- 14 सेटमध्ये पराभव करीत विजय संपादन केला.,गुजरात संघाने महाराष्ट्र येलो संघाचा 21- 10 सेटमध्ये पराभव करीत विजय संपादन केला.विदर्भ संघाने कर्नाटक संघाचा 21 -10 सेटमध्ये पराभव करीत विजय संपादन केला.

या राष्ट्रीय स्पर्धेसाठी सुसज्ज अशी चार मैदाने तयार करण्यात आलेली असून या स्पर्धेसाठी भारत देशातून पुरुषांचे 24 संघ व महिलांचे 12 संघ सहभागी झाले आहेत.या स्पर्धा यशस्वीरित्या पार पाडण्यासाठी वेगवेगळ्या समित्यांची निर्मिती केली असून राष्ट्रीय अध्यक्ष विपिन चहल व महाराष्ट्र विधान सभेचे अध्यक्ष नरहरी झिरवाळ यांच्या मार्गदर्शनाखाली महाराष्ट्र असो. चे अध्यक्ष डी. बी.साळुंखे, सरचिटणीस दीपक मोकल व खजिनदार अंकुश पाठक यांनी या स्पर्थेत महाराष्ट्र राज्याला यजमान पदाची संधी मिळवित अतिशय सुंदर आणि देखणे नियोजन व आयोजन केले आहे. त्यांनी महाराष्ट्र विधान सभेचे अध्यक्ष नरहरी झिरवाळ यांच्या सहकार्यामुळेच महाराष्ट्रामध्ये ग्रामीण भागात अशा प्रकारच्या स्पर्धा घेणे शक्य झाले आहे अशी प्रतिक्रिया दिली व झिरवाळ आभार मानले.

या स्पर्धेचे अभ्यासपूर्ण प्रास्ताविक बहारदारपणे महाराष्ट्र राज्य डायरेक्ट हॉलीबॉल असोसिएशनचे सचिव दीपक मोकल यांनी केले तर सूत्रसंचालन शरद कुंभार यांनी केले.

ही स्पर्धा यशस्वी करण्यासाठी महाराष्ट्र डायरेक्ट हॉलीबॉल असोसिएशनचे सहसचिव जगन राऊत,अशोक गोरे,निवड समिती सदस्य मा. फैजअहमद बेगमपूरे,राष्ट्रीय स्पर्धा नियंत्रक संजय सावंत,या स्पर्धेचे पंच प्रमुख रविंद्र म्हात्रे,राज्य संपर्क प्रमुख मा.नामदेव जोपले, नाशिक असोशिएशनचे अध्यक्ष यशवंतराव डिकले,सचिव सुरेद्र राऊत,जिल्हा परिषद प्राथमिक शाळा महाजे चे मुख्याध्यापक संजीव निकुंभ व विविध समित्यांचे सदस्य यांनी विशेष प्रयत्न केले.

या स्पर्धा पूर्ण करण्यासाठी राष्ट्रीय पंच म्हणून प्रसन्न पाटील, शरद कुंभार, यतीराज पाटील, दर्शना शिंदे, गुरुनाथ पाटील, राजेंद्र मागाडे, अंतोष हस्ते, हिरामन भोईर, बब्रुवाहन गायकवाड व गजानन पाटील यांनी यशस्वीरीत्या काम पाहिले.