संस्कृतीचा जागर

संस्कृतीचा जागर

स्वराज्याचे मंगल तोरण बांधून यवनाकडून रक्षण केले राष्ट्रमाता जिजाऊंच्या छत्रपती शिवबानं ,
पवित्र ज्ञान कार्याची कवाडे उघडून दिली क्रांतीसुर्य ज्योती सावित्रीने
अमानुष सतीची चाल बंद केली राजाराम मोहन रॉय यांनी, ओव्या अभंगांनी नवलाई दिली संत ज्ञानोबा तुकोबानी रंजल्या-गांजल्यांची सेवा गाडगेबाबांनी दावली,
कर्म ज्ञान भक्ती साने गुरुजींनी सांगितली ,
शांती अहिंसेच्या उपदेशाने बुद्धांनी केले जीवन श्रीमंत .

समाजप्रबोधनाचे धडे देऊनी संत तुकडोजी ,बाबा आमटे यांनी मानव ठेवला जिवंत,

सेवा- सहकार्याचे सामर्थ्य अलोकिक लाभले सृष्टीस वरदान
फुले, शाहू आंबेडकर ,कर्वे सावरकरांचा करू सन्मान,
कृतज्ञ होऊनिया आपण समाजासाठी पेलण्याचे आव्हान .

जपुया सदा नैतिक मूल्य संस्कृतीचा नका करू अपमान, मुलगा मुलगी समान मानुनी
स्त्रियांचा रोखू अवमान. निसर्गाचे रुप जतन करूनी समाज मूल्य समाज उन्नती करू महान.

पुर्णिमा शिंदे
आकाशवाणी निवेदिका, मुंबई