देवगडच्या दर्शन धुरीने पटकावलए सुवर्णपदक

जित-कुने-डो असोसिएशन, महाराष्ट्र राज्य आयोजित चॅम्पियन्स स्पर्धेत मारली बाजी

सिटी बेल | सोलापूर | प्रतिनिधी |

सोलापूरच्या जित-कुने-डो असोसिएशनने राज्य स्तरीय जित-कुने-डो चॅम्पियन स्पर्धा आयोजित केली होती. या स्पर्धेत राज्यभरातून अनेक स्पर्धकानी भाग घेतला होता.१९ वर्षांवरील ७५ ते ८० किलो वजनी गटात सिंधुदुर्ग जिल्ह्यातील देवगड तालुक्यातील दाभोळे गावच्या दर्शन धुरी याने सुवर्ण पदक पटकावत सिंधुदुर्गच्या शिरपेचात मानाचा तुरा रोवला. या यशाबद्दल त्याचेवर सर्व थरातून अभिनंदनाचा वर्षाव होत आहे.

जित-कुने-डो असोसिएशन महाराष्ट्र राज्य अध्यक्ष राज खातीब, सचिव अमोल जाधव, उपाध्यक्ष सागर शेंडे सर, सोलापूर जिल्हाध्यक्ष अनंत उंबरदंड, सचिव स्नेहदीप व्यवहारे, आदी मान्यवर उपस्थित होते. या स्पर्धेचे कोरोनाचे सर्व नियम पाळत देखणे आयोजन सागर भय्या शिंदे यांनी केले होते. या स्पर्धेला राज्यभरातून उदंड प्रतिसाद लाभला.