पनवेल परिसरात वीज चोरीचे वाढते प्रकार ; वीज चोरांवर गुन्हे दाखल

फार्महाऊस, हाॅटेल मालक, व्यावसायीक करीत आहेत मोठ्या प्रमाणात वीजेची चोरी

सिटी बेल | पनवेल | वार्ताहर |

गेल्या काही महिन्यांपासून पनवेल परिसरात अनेक ठिकाणी वीजचोरीचे वाढते गुन्हे होत असून याबाबत सर्वच पोलिस ठाण्यात कारवाईच्या तक्रारी करण्यात आल्या असून त्यानुसार म.रा.वि.वि.चे अधिकारी व कर्मचारी गुन्हे दाखल करीत आहेत.

अनेक ठिकाणच्या राहत्या घरामध्ये, फार्महाऊस, हॉटेल व इतर कंपन्या याठिकाणी बेकायदेशीररित्या किंवा युनिटची अनधिकृत वीज चोरी करून वीज वापरली जात आहे व शासनाची फसवणूक करण्यात येत आहे.

याची माहिती म.रा.वि.वि.चे अधिकारी व कर्मचारी यांना मिळताच ते सदर ठिकाणी जाऊन अशा प्रकारे वीज चोरी करणाऱ्यांविरूद्ध संबंधित पोलिस ठाण्यात तक्रार दाखल करीत आहे. अशा धडक कारवायांमुळे वीज चोरी करणाऱ्यांचे धाबे दणाणले आहेत.