मुरुड राज्य उत्पादन शुल्क विभागाने पकडली सव्वा सात लाखांची बनावट दारू

सिटी बेल | अलिबाग | अमूलकुमार जैन |

गोठणवाडी येथे एक आरोपी व विदेशी मद्य- रूपये 40 हजार 800, रोहा येथे दोन आरोपी व एक वाहन- किंमत रूपये 5 लाख 72 हजार आणि बनावट विदेशी मद्य रुपये 1 लाख 12 हजार 800, अशा प्रकारे एकूण रुपये 7 लाख 25 हजार 600 चा मुद्देमाल जप्त करण्यात आला आहे, अशी माहिती आनंद अं.पवार,निरीक्षक, राज्य उत्पादन शुल्क, मुरुड विभाग यांनी दिली आहे.

राज्य उत्पादन शुल्क विभागाच्या अधीक्षक किर्ती शेडगे, उप अधीक्षक देशमुख यांच्या मार्गदर्शनाखाली गोठणवाडी,कोकबन,ता. रोहा येथे व रोहा कोलाड बायपास रोड, थिम पार्क गार्डन जवळ,भाजी मार्केटच्या समोर, रोहा, जि.रायगड येथे आनंद अं.पवार, निरीक्षक, राज्य उत्पादन शुल्क, मुरुड विभाग, रमेश एम.चाटे, दुय्यम निरीक्षक, राज्य उत्पादन शुल्क, खालापूर सुधागड विभाग, अंकुश बी. बुरकुल, दुय्यम निरीक्षक, राज्य उत्पादन शुल्क,रोहा मुरुड विभाग, आर. व्ही.नरहरी, सहाय्यक दुय्यम निरीक्षक, महिला जवान .अपर्णा सी.पोकळे, जवान निमेष एस.नाईक आणि गणेश के.घुगे या अधिकारी कर्मचाऱ्यांनी सापळा रचून बनावट विदेशी मद्याची वाहतूक करणाऱ्या चार चाकी एर्टिका
MH 05 CA 3044 सह 129.6 बल्क लिटर (एक बॉक्स मद्य = 8.64 बल्क लिटर) विदेशी मद्य जप्त करून एकूण तीन आरोपींना अटक केली.