साई हायस्कुलमध्ये सावित्रीच्या लेकींचीच बाजी

सानिया महाडिक प्रथम,तमन्ना पवार दुतीय,अनुष्का धाडवे तृतीय : १००% निकालाची परंपरा कायम

सिटी बेल | गोवे कोलाड | विश्वास निकम |

साई विभाग शिक्षण प्रसारक मंडळाच्या लोकमान्य ज्ञानदिप विदयालय साई या मराठी माध्यमाच्या माध्यमिक विदयलयाचा इ.१०वी चा निकाल १००℅ लागला आहे. या शाळेतून ४३ विदयार्थी परीक्षेला बसले होते. दरवर्षी कला ,क्रीडा व सांस्कृतिक क्षेत्रात अग्रेसर असणाऱ्या शाळेची गुणवत्तेतही नेहमी आघाडीवर असते. त्यामुळे निकालाची ही यशस्वी परंपरा कायम ठेवली आहे.

सदरच्या निकालात सानिया रमेश महाडिक हिने ९५.६०℅ गुण मिळवून प्रथम,तमन्ना गणेश पवार हिने ९३.८०℅ गुण मिळवून दुतीय तर अनुष्का मंगेश धाडवे हिने ९३.४०%गुण मिळवून तृतीय क्रमांक या सावित्रींच्या लेकींनी प्राप्त केला. यावर्षी मुलींनी सर्वप्रथम येण्याचा मान मिळवल्याने सर्व पालक व शिक्षक बांधवांमध्ये आनंदाचे वातावरण निर्माण झाले आहे.अतिशय ग्रामीण भागातील या शाळेतील विद्यार्थ्यांना कोणत्याही प्रकारचे कोचिंग क्लासेस व मार्गदर्शन नसताना केवळ शिक्षकानी घेतलेल्या मेहनतीमुळे व प्रशासनाच्या सहकार्यच्या मदतीमुळे हे यश संपादन केले आहे. गेली अनेक वर्षे हे विद्यालय आपल्या यशाची उज्वल परंपरा कायम ठेवत आली आहे.

शाळेच्या या यशस्वी विद्यार्थीचे संस्थेचे अध्यक्ष गजानन अधिकारी, उपाध्यक्ष बळीराम लाड, सचिव गणेश पवार, मुख्याध्यापिका सुजाता म्हात्रे, जोशी सर, पाटील मॅडम, अधिकारी सर, सत्वे मॅडम, पवार सर शिक्षकेत्तर कर्मचारी, तसेच परिसरातुन अभिनंदनाचा वर्षाव होत आहे.