सिटी बेल | मुकुंद रांजाणे | माथेरान |
रायगड जिल्हा परिषद वैजनाथ केंद्रातील भालीवडी शासकीय आश्रमशाळेत केंद्रातील शिक्षक व रोटरी क्लब ऑफ देवनारचे वतीने 50 फळझाडे मान्यवरांच्या शुभहस्ते लावण्यात आली.शिवाय रोटरी क्लबतर्फे जिल्हा परिषद शाळा हुमगाव, आधारवाडी, शेलू , कलम उर्दू,नेरळ कन्या ,विद्याविकास नेरळ, यांना संगणक व प्रिंटर वाटप करण्यात आले.
वैजनाथ केंद्रात प्राथमिक व माध्यमिक शाळांमध्ये जलशुध्दीकरण प्रकल्प रोटरी क्लब यांनी बसवून दिले. हे जलशुध्दीकरण प्रकल्प सुरू करण्याच्या कार्यात वैजनाथ केंद्राचे केंद्रप्रमुख नारायण भिकू सोनवणे यांनी सुरुवातीपासून मोलाचे योगदान दिल्याकारणे रोटरी क्लब ऑफ देवनार ,मुंबईतर्फे सोनवणे यांना प्रमाणपत्र देवून रोटरी क्लबचे अध्यक्ष प्रबोध शर्मा यांनी सन्मानित केले.या प्रसंगी सोनवणे यांनी केंद्रातील शाळांसाठी लॅपटॉप , टॅबची मागणी ऑनलाईन शिक्षण विद्यार्थ्यांना घेण्यात सुकर होण्याकरिता केली.
कार्यक्रमात केंद्रातील शिक्षक संतोष देशमुख सर आणि अर्चना देशमुख मॅडम यांच्या कार्याचा सत्कार करण्यात आला.आश्रमशाळेचे सन्माननीय मुख्याध्यापक ,सर्व शिक्षक यांनी कार्यक्रमात उत्तम सहभाग घेतला. कोरोना _19 चे सर्व नियम पालन करीत कार्यक्रम संपन्न झाला.यावेळी रोटरी क्लब चे अध्यक्ष प्रबोध शर्मा, सुधीर मेहता, कनम सर, अर्जुन तरे, बागडे गुरुजी,पद्मा मॅडम,संजय मेहता सर आणि वैजनाथ केंद्रातील मुख्याध्यापक उपस्थित होते.
Be First to Comment