मुलाच्या स्मरणार्थ आई वडिलांकडून कोविड सेंटरला वैद्यकीय साहित्यांचे वाटप

सिटी बेल । उरण । घन:श्याम कडू ।

आई वडिलांनी आपल्या एकुलत्या एक मुलाच्या ९ व्या स्मृतिदिनानिमित्त उरण कोविड सेंटरला वैद्यकीय साहित्यांचे वाटप आज करण्यात आले. यावेळी अनेक मान्यवर उपस्थित होते.

सौ.ऊर्मिला रमेश म्हात्रे व त्यांचे पती रमेश भास्कर म्हात्रे आवरे उरण यांनी आपल्या एकुलता एक मुलगा स्व . उन्मेष रमेश म्हात्रे यांच्या ९ व्या स्मृतिदिन सोमवार दि. १७ नोव्हेंबर रोजी आहे. त्यानिमित्त त्यांनी आज उरणमधील कोविड आरोग्य केंद्रावर उपचार घेणारे रुग्ण, डॉक्टर व आरोग्य कर्मचारी यांच्यासाठी पीपीकिट, एन १९ मास्क, हॅन्डग्लोज आदी वैद्यकीय साहित्यांचे वाटप तालुका आरोग्य अधिकारी डॉ . ईटकरे, डॉ स्वाती म्हात्रे यांच्याकडे सुपूर्द केले.

यावेळी तहसीलदार भाऊसाहेब अंधारे, डॉ. अरुणकुमार भगत आरोग्य सभापती महानगर पालिका पनवेल, संतोष पवार, सुनील भोपतराव, प्रा.नरेंद्र पाटील, योगेश कडू आदी उपस्थित होते.